Oct 4, 2007

Kaarawan nila Boss Ave at Idol Eye Atbp.

ika-22 ng setyembre ang napagkasunduang petsa upang ipagdiwang ang mga kaarawan ng aking mga kapatid sa Adtrek na sina boss Ave at idol Eye. Pagsanjan Falls muna ang unang pupuntahan at sa Eco saddle sa Cavinti naman magpapalipas ng magdamag..

Photo Sharing and Video Hosting at Photobucket Photo Sharing and Video Hosting at Photobucket


kagaya ng nakaguhit na sa aking palad, mag-isa na naman akong bumiyahe patungong Sta. Cruz, Laguna, doon kasi ang tipanan naming lahat at mula doon ay aarkila kami ng jeep na sya namang magiging service namin sa aming paglalagalag. pasado alas-otso na yata ng makumpleto ang tropa at nagsimula ang aming pagbiyahe. pacensya na wala po kasi akong relos kaya hindi ko matandaan ang mga eksaktong oras ng mga kaganapan. mahigit isang oras din ang aming naging paglalakbay hanggang sa marating namin ang Pueblo el Salvador Picnic Grove na syang alternatibong daan patungo sa pagsanjan falls. matapos ang sandaling paghahanda ng aming mga dadalhing gamit at pagkain ay tinipon na kami ng namamahala sa lugar para sa kaunting pasakalye at mga paalala bago kami tuluyang humayo sa aming patutunguhan.

Photo Sharing and Video Hosting at Photobucket Photo Sharing and Video Hosting at Photobucket


ang pagsanjan falls pala ay kilala rin bilang magdapio falls, hango sa pangalan ng mag-asawang magda at pio na mga ninuno sa lugar mismo ng talon sa cavinti matagal na panahon na ang nakakalipas. ang bayan ng pagsanjan ang naging pangunahing entrance patungo sa falls kaya ito na ang kanyang naging pagkakakilanlan..

Photo Sharing and Video Hosting at Photobucket Photo Sharing and Video Hosting at Photobucket


sa una'y sementadong kalsada ang aming nadaanan bago kami bumaba sa mga baitang na lupa hanggang sa narating namin ang isang talon. kumukulo daw ang tubig dito subalit hindi naman mainit. bahagya ring nagkulay putik ang malakas na agos nito, marahil ay dahil sa mga nakaraang pag-ulan. matapos ang kaunting kodakan ay muli naming ipinagpatuloy ang pagtahak sa mabaitang na daanan. presensya ng kagubatan ang s'yang tumambad sa amin sa aming paglalakad, iba talaga ang pakiramdam kapag kapiling mo ang kalikasan. may mga parte rin na hagdanang bakal ang kaylangang babain at dalawa dito ang tirik na tirik sa pagkakatulos. kinakaylangan ang pagsusuot ng guwarnisyon (harness) dito upang masiguro ang kaligtasan ng mga bumababa at mayroon din namang mga nag-aasiste na taga-lulos ng tali (belayer). sa dulo ng hagdanang bakal ay mabubungaran ang mga nakahimpil na bangka na syang sinasakyan ng mga nanggagaling sa kabilang lagusan( doon sa magbabayad ka ng P600 o mahigit pa).

Photo Sharing and Video Hosting at Photobucket Photo Sharing and Video Hosting at Photobucket


kaunting kodakan muna kasama ang talon habang iniintay ang iba pa naming mga kasamahan. nang makumpleto na ang grupo ay sinimulan na naming mananghalian. kanya-kanyang labas ng mga bitbit at mga patagong pagkain. meron pang nagdala ng pagkain daw ng mga sundalong kano na nakasilid sa di malaman kung anong uri ng supot na kapag binuksan ay mainit at umuusok pa ang laman. syempre ay salo-salo sa mga baon. matapos makapanghalian ay pumila na kami sa pagsakay sa balsa patungo sa ilalim ng talon. mabuti na lamang at may mga puyat na hindi maaaring maligo at mga likas na hindi mahilig maligo na silang kumuha ng aming mga larawan at nagbantay ng mga gamit. malamig ang tubig habang palapit ng palapit sa ilalim ng talon. napakalakas din ng ingay na nalilikha ng rumaragasang agos nito na animo'y nagmamayabang sa kanyang katatagan at kasikatan. matagal din kaming nagbabad sa ilalim ng talon hanggang sa kinaylangan na naming bumalik sa pampang. matapos ang ilang solo picture ay sinimulan na naming panhikin ang mga baitang na aming pinanggalingan. masakit sa binti kahit na masinsin at maliliit lamang ang mga baitang. marahil dahil sa kulang narin kami sa jogging at pag-akyat sa bundok. nang makabalik na kaming lahat sa pueblo at makapamili ng mga lansonez at rambutan ay nagsisakayan na kami sa jeep upang pumunta naman sa Cavinti Eco Sadddle kun saan naman kami magpapalipas ng magdamag.

sa biyahe pa lamang ay nagsimula ng pumatak ang mahina-hinang ulan kaya ng makarating kami sa campsite ay wala pa kaagad nakapagtayo ng tent. sa isang maliit na kubo muna kami nagsiksikan habang nagpapakiramdan muna kung paano makakadiskarte ng matutulugan. minabuti na naming magluto ng hapunan sapagkat pakagat na ang dilim at ang iba naman ay nagsipagtayo na ng kanilang mga tent ng mapagtantong hindi kami lahat magkakainari sa maliit na kubong iyon. mabilisan ang pagkilos sapagkat mababasa ang loob ng mga tent kung hindi ito maitatayo kaagad. sa kalagitnaan ng aming pagluluto ay dumating ang isang guest ng may kaarawan. si dagul denboy, at eto pa, may bitbit-bitbit pang cake na nabili sa Goldilocks, request ni...... ay, sino kaya un?

matapos maihanda ang mga pagkain at bago isagawa ang hapunan ay nagsipag-hihip muna kami ng mga lobo at nagsipagsuot ng party hats, astig tsong!! animo'y children's party ang aming nadaluhan. isang sabayang pag-awit ng happy birthday at isang taimtim na pasasalamat at panalangin sa biyayang nakahapag sa amin ang syang nagbigay hudyat upang maisakatuparan na ang hapunan. chow yun fat na!!, ika nga.. tinolang manok at porkchop ang aming ulam na pinagsaluhan at matapos ay sinundan pa ng minatamis na cake. bundat na naman ang aming mga kabanalan bago nagsipagbitawan sa aming mga kubyertos.

Photobucket Photo Sharing and Video Hosting at Photobucket


matapos makapagpahinga at malinisan ang mga pinagkainan ay sinimulan na ang pagtagay. dalawang galong fundador ang aming nilantakan. dito na nagkalabasan ng joke na pang year 2010 pa sana ilalabas subalit napilitan na lamang dahil sa request ng mga may kaarawan. dalawang ikot lamang ng tagay ay nagsimula na akong humilig sa lawanit na dinding ng kubo at maya-maya pa ay tuluyan ng nahiga. hindi talaga likas sa aking katawan ang makarami sa pag-inom ng alak. hindi ko na alam ang mga sumunod na pangyayari sapagkat naging masarap ang aking pagtulog dahil sa puyat mula sa panggabing trabaho. kinabukasan ko na nabalitaan na namayagpag ang career ng panauhing pandangal sa pagiging komedyante na kung nauna-una lang kay Dolphy ay malamang na sya ang tinanghal na comedy king. (peace dude) heheheh
at eto pa, alas dos na daw ng madaling araw ay mayroon pang animo'y mga bubuyog na nagbubulungan, mga jokes pa din kaya un?.....

Photobucket Photobucket


hotdog at binating itlog ang aming naging almusal. matapos makapag-agahan ay kanya-kanya ng impake ng mga gamit. nang makaligo na ang lahat at makapag-impake ng gamit ay sya namang dating ng aming service na jeep. hudyat na ito ng uwian, balik na naman sa reyalidad si juan.. trabaho at magulong industriya ng showbiz. matapos dumaan at makapamili ng mga pasalubong na tsinelas, buko pie at cassava cake ay sa Calamba na kami naghiwa-hiwalay. natural, gaya ng inaasahan, mag-isa na naman ako sa pagbyahe.

isang masayang alaala na naman ang aking isisilid sa baul ng mga gintong sandali kasama ang mga kapatid sa adtrek. ang aking adhikaing nakiki-isa at sumusuporta ay patuloy na maglalagablab kasama ng aking mga letra. hanggang sa muling pag-ahon..

Sep 6, 2007

Muling Pagtawid at Pag-abot ng Tulong

sa ikalawang pagakakataon ay muling kumatok sa inyong mga puso ang ADTREK-MC upang tulungan ang ating mga kapus-palad na kapatid na mga mangyan. sa sunud sunod na flash flood at mga bagyong dumaan sa mindoro ay tila di natinag ang mga mangyan. tuloy ang ikot ng buhay para sa kanilang komunidad, tuloy ang pag-aaral para sa mga batang mangyan. nasira man ang ilang bahagi ng kanilang magandang lugar ngunit hindi ang kanilang pag-asang makaahon sa hirap balang araw.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

kung inyong matatandaan, ang adtrek ay namahagi ng ilang kagamitan sa pag-aaral ng mga bata dalawang taon na ang nakakaraan. natuwa hindi lamang ang mga bata kundi maging ang kanilang mga magulang at mga guro. sa unang pagkakataon ay may nagbigay ng tulong para sa pag-abot ng kanilang mga pangarap, tulong na di lamang nagmula sa adtrek kundi sa lahat ng mga taong nagbigay pahalaga sa karapatan ng bawat bata na makapag-aral. ngunit sabi nga nila, ano mang materyal na bagay ay may katapusan, darating ang panahong ito'y mauubos rin. ano ang kanilang gagawin sa pagdating ng pagakakataong iyon? mahirap mang isipin at tanggapin ng karamihan sa atin, ang magagawa nila ngayon ay umasa na lamang. umasa na sana isang araw ay muling may mag-aabot ng tulong.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

batid ng karamihan sa adtrek na darating ang pagkakataong iyon. sa pagsisikap ng mga organizers, muling nagkaruon ng katapuran ang marahil ay panalangin ng ilang mga mangyan na sana'y may mag-abot muli ng tulong sa kanilang pag-aaral. at nuon ngang august 24 ng umaga, 5 magigiting na miyembro ng adtrek ang nauna sa mindoro upang paghandaan ang pagdating ng kabuuang tropa ng mga volunteers galing sa adtrek-mc at mga kaibiganng nais maglingkod. august 24 ng gabi, 5 van ang sunud sunod na bumiyahe patungong batangas pier, bukod pa dyan ang ilan na nag-commute patungong batangas pier, kasama na ang dalawang kaibigan na nagmula pa sa pampanga upang tumulong. umaga na ng august 25 ng kanilang marating ang lantuyang, baco, oriental mindoro.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

maaga pa lang ay nagsigising na ang ating mga volunteers, ano nga ba naman magagawa nila kung sobrang agang pumalahaw ng bopek upang manggising. kung maaga mang nagising ang tropa ay marami ring mga bata ang maaang nagsipagdatingan sa paaralan. kulang man sa mga tulog at pahinga ay buong siglang nagtutulong tulong ang lahat ng kasama upang bigyan ng isang masayang araw ang mga batang mangyan dito. upang hindi mainip at mainitan sa arawan ang mga bata, nagkaruon ng munting film showing, kung nakita nyo lang sana ang ngiti ng bawat isa habang walang kurap sa panunuod sa puting telon, pawi ang inyong pagod at puyat.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

matapos ang unang palabas, ay ipinaghanda sila ng isang munting merienda. marahil ang iba sa kanila ay hindi pa nag-aalmusal, kaya ganun na lang ang tuwa ng mga bata habang pinagsasaluhan ang aming munting nakayanan. sinimulan ang ikalawang palabas para sa araw na 'yon matapos ang kainan.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

ang ibang bata ay masayang nagbabasa ng aming mga dalang aklat habang kami ay naghahanda. dahil sa ang bawat volunteer ay tao lamang, kailangan din munang magpahinga at kumain panandalian. sa pagkakataong iyon naman dumating ang isa pang sorpresa ng adtrek sa mga bata, ang bago nilang mga upuan. ang ilan sa kanilang upuan ay tatlo hanggang apat na bata ang gumagamit dahil sa kakulangan nito. ngayon ay di na sila masyadong magsisiksikan habang nagtuturo si teacher. matapos ang pananghalian ng mga bata at volunteers ay ipinagpatuloy ang film showing.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket
Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

sa pagkakataong ito ay mas naging inter-active ang pagdadala ng tulong sa mga bata. kung nuong una ay mga parlor games bago ang pamimigay ng mga kagamitan ngayon naman ay mas nagkaruon ng "bonding moments" ang mga bata at ilang myembro ng tropa. tatlong bata ang babantayan ng isang ate o kuya habang sila ay tinuturuan ng pagkukulay ng mga coloring books, hindi alintana ng mga ate at kuya at mga bata ang init sa luob ng classroom dahil sila ay kapwa natutuwa sa kanilang ginagawa. tsaka, andyan naman ang ilan pang ate at kuya na walang kapaguran sa pagpapaypay upang kahit paano ay maibsan ang init, ang iba marahil ay sinakitan ng kilikili, heheheh!!! pero ok lang, for a good cause naman ika nga.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

sa kabilang bahagi naman ay may nagaganap na story telling sina teacher angie at teacher betong. huling huli nila ang mga kiliti ng mga mas may edad na bata. napuno ng tawanan ng mga bata ang kwarto habang sila ay masayang nagkukwentuhan at may konting laro din. at sa mga bintana ay makikita mong nakadungaw ang mga magulang,nakangiti habang masaya sa luob ang kanilang mga anak.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket
Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

matapos ang may ilang oras ding "bonding moment" nina ate/kuya at mga bata, sa labas naman nagkaruon ng palaro. ngunit katatapos pa lamang ng unang palaro ay bumuhos ang ulan at walang nagawa ang lahat kundi sumilong muna at ihanda na ang sususnod na activity.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

feeding program naman para sa mga batang mag-aaral ng lantuyang.naghanda rin ang tropa, sa pangunguna ng best feeders group, ng konting sopas, tinapay at juice para sa mga bata. nang matapos pakainin ang lahat ng mag-aaral ay may sumobra pa sa niluto kung kaya't nakatikim na rin ang iba pang mga bata at maging kanilang mga magulang.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

matapos ang konting salu-salo ay humupa na ang malakas na ulan. dito na ipinamahagi ang mga school supplies na para sa mga bata.bawat isa ay sabik na sabik buksan ang kanilang mga bagong bag na natanggap. sa pagkakataong ito ay nagsamasama ang mga bata at volunteers sa ilang picture taking upang sa gayon ay magkaruon ng isang magandang remembrance ng kanilang muling pagsasama sama.

Photo Sharing and Video Hosting at Photobucket Photo Sharing and Video Hosting at Photobucket Photo Sharing and Video Hosting at Photobucket

batid ng karamihan sa atin na ang tulong na ating naipaabot ay hindi pangmatagalan. ngunit marahil sapat na ito upang hindi sila sumuko at mawalan ng pag-asa sa buhay. pag-asa ng mga magulang na kahit man lang sa elementary o high school ay makapagtapos ang mga anak nila; sa mga bata, pag-asa at inspirasyon na may mga tao pa palang nakakaalala sa kanilang kapakanan at karapatan na makapag-aral. makalipas ang ilang buwan, ang isang taon, ano na ang kanilang kalagayan? tanging mga bata ang makasasagot nyan,ngunit sa ganang akin, habang alam nilang may mga nagmamalasakit sa kanila ay marahil tuloy ang laban. laban sa kahirapan at mithiing makatapos ng kanilang pag-aaral. nawa'y hindi ito ang maging huling pagtulong natin hindi lamang sa mga mangyan kundi sa iba pa nating mga kapatid na nananahan sa mga kabundukan ng ating bayang minamahal.